Կերտելով Նոր Սերնդի Կենսաչափական Տեխնոլոգիաներ Հայաստանում
«ՀայՓաս»-ի մասին
«ՀայՓաս» ՓԲԸ-ն հայկական ընկերություն է, որը Հայաստանի Հանրապետության ներքին գործերի նախարարության հետ կնքել է պետություն-մասնավոր գործընկերության (ՊՄԳ) երկարաժամկետ պայմանագիր։ Այս աննախադեպ նախագծի շրջանակում «ՀայՓաս»-ը ստեղծում և շահագործելու է ազգային ինքնության և կենսաչափական տվյալների նոր սերնդի ենթակառուցվածք։
Մեր գործընկերության նպատակն է համատեղել պետական վերահսկողությունն ու հզոր բաժնետերերի միջազգային փորձառությունը՝ ապահովելով տվյալների անվտանգության, ծառայությունների արդյունավետության և քաղաքացիների սպասարկման որակի ամենաբարձր չափանիշները։
«ՀայՓաս»-ում մենք հավատում ենք, որ ինքնությունը պարզապես փաստաթուղթ չէ․ այն վստահություն, հասանելիություն և նոր հնարավորություն է Հայաստանի քաղաքացիների և բնակիչների համար։
Մեր արժեքները
Ազնվություն և գաղտնիություն
Մենք առաջնորդվում ենք ազնվության բարձրագույն չափանիշներով՝ ապահովելով թափանցիկություն և անձնական ու զգայուն տեղեկատվության անվտանգ կառավարում
Քաղաքացիակենտրոն սպասարկում
Մեր նպատակն է յուրաքանչյուրի համար ապահովել հասանելի, հարմարավետ և հաճելի փորձառություն
Առաքելության գերակայություն
Մենք գործում ենք նպատակասլացությամբ և նվիրումով՝ ստեղծելու նշանակալի հանրային ազդեցություն
Անվտանգ կենսաչափական փաստաթղթերի տրամադրում
Մենք տրամադրում ենք նոր սերնդի կենսաչափական փաստաթղթեր
Նույնականացման քարտեր
- Քաղաքացու նույնականացման քարտ
- Օտարերկրացու կացության քարտ
- ԵԱՏՄ անդամ պետության քաղաքացու բնակության օրինականությունը հավաստող վկայական
- Քաղաքացիություն չունեցող անձի նույնականացման քարտ
- Փախստականի նույնականացման քարտ
Անձնագրեր / Ճամփորդական փաստաթղթեր
- Քաղաքացու անձնագիր
- Դիվանագիտական անձնագիր
- Քաղաքացիություն չունեցող անձի կոնվենցիոն ճամփորդական փաստաթուղթ
- Փախստականի կոնվենցիոն ճամփորդական փաստաթուղթ
Ինչպես դիմել
Ձեր կենսաչափական փաստաթուղթը ստանալու համար
Հաճախ տրվող հարցեր
Հայաստանի Հանրապետությունում կգործեն 23 սպասարկման կետեր։ Նախնական փուլում կգործեն 14-ը, որոնցից 2-ը՝ Երևանում, իսկ 12-ը՝ մարզերում։ Մանրամասների համար խնդրում ենք ծանոթանալ սպասարկման կետերի քարտեզին։
Հին փաստաթղթերը շարունակելու են մնալ վավեր։ Հին նմուշի անձնագրերը և նույնականացման քարտերը պահպանելու են իրենց իրավական ուժը մինչև դրանցում նշված վավերականության ժամկետի ավարտը։ Հետևաբար, փաստաթղթերը անհապաղ փոխարինելու պարտադրանք չկա։
Կենսաչափական նոր անձնագրերը և նույնականացման քարտերը տրամադրվելու են կենսաչափական տվյալների հավաքագրումից հետո 14-րդ աշխատանքային օրը, որի մասին նախապես կստանաք ծանուցում։
Առցանց նախագրանցման ընթացքում կարող եք ընտրել Ձեզ առավել հարմար սպասարկման կետը՝ Ձեր կենսաչափական տվյալները հանձնելու համար։
Ամրագրված օրն ու ժամին չներկայանալու դեպքում անհրաժեշտ է նախապես ընտրել Ձեզ հարմար այլ օր և ժամ։
Նոր կենսաչափական անձնագիրը և նույնականացման քարտը հնարավոր է ստանալ բացառապես այն սպասարկման կետից, որտեղ հանձնել եք Ձեր կենսաչափական տվյալները։
Կենսաչափական անձնագիրը և նույնականացման քարտը հնարավոր է ստանալ բացառապես անձամբ։
Աշխատանք «ՀայՓաս»-ում
Մենք ձգտում ենք ներգրավել ոլորտի մասնագետների, ովքեր առանձնանում են իրենց գիտելիքներով, փորձառությամբ և առաքելության ուժեղ զգացումով: Միացե՛ք մեզ Հայաստանի ազգային կենսաչափական նույնականացման ենթակառուցվածքի ստեղծման գործում:
Թափուր աշխատատեղերՄենք գնահատում ենք Ձեր կարծիքը
Օգնեք մեզ բարելավել մեր ծառայությունները։ Անկախ նրանից՝ ունեք կարծիք, առաջարկություն կամ բողոք, մենք ցանկանում ենք լսել Ձեզ։ Ձեր արձագանքները օգնում են մեզ շարունակաբար կատարելագործվել և ավելի լավ սպասարկել Ձեզ։
Թողնել կարծիք